Адукацыйны працэс у ДУА “Туркоўская яслі-сад-сярэдняя школа” ажыццяўляюць 19 педагогаў, тры выхавальнікі дашкольнай адукацыі. 

 

86%  маюць вышэйшую адукацыю;

14% сярэднюю спецыяльную;

32% вышэйшай катэгорыі;

59% першай катэгорыі ;

9% без катэгорыі. (маладыя спецыялісты)

Сярэдні ўзрост настаўнікаў складае 46 гадоў.

Такім чынам, установа адукацыі ў поўнай меры ўкамплектавана педагагічнымі кадрамі. Асноўную частку педагагічнага калектыву складаюць вопытныя настаўнікі са стажам работы, якія валодаюць высокім прафесійным майстэрствам, маюць вышэйшую і першую кваліфікацыйныя катэгорыі. Адукацыйны ўзровень педагогаў дастаткова высокі. 

 Аналіз рэзультатыўнасці павышэння кваліфікацыі  і атэстацыі педагагічных кадраў.

Вялікае значэнне ва ўстанове адукацыі надаецца павышэнню кваліфікацыі кадраў, накіраванай на ўдасканаленне прафесіяналізму і майстэрства педагагічных кадраў (100% педагогаў, запланаваных на павышэнне кваліфікацыі ў 2017/2018 навучальным годзе прайшлі курсавую падрыхтоўку).

У адпаведнасці з перспектыўным і гадавым планамі павышэння кваліфікацыі, патрэбамі школы ў адпаведнасці з пастаўленымі задачамі, былі вызначаны тэмы для курсавой падрыхтоўкі і курсы: мэтавыя, базавыя, праблемныя. Тры педагогі прайшлі дыстанцыйнае павышэнне кваліфікацыі.

Станоўча адзначана педагогамі, што яны атрымалі патрэбную інфармацыю і гатовы выкарыстоўваць яе ў практыцы педагагічнай дзейнасці.

Згодна графіка аттэстацыі педагагічных кадраў у 2017-2018 навучальным годзе атрымалі вышэйшую кваліфікацыйную катэгорыю   Лапіцкі А.Я. –настаўнік фізічнай культуры і здароўя і Лапіцкая А.В. –настаўнік пачатковых класаў.  Атэстуемыя прадстаўлялі сваё  метадычнае партфоліа, прадставілі сваё педагагічнае крэда, творчыя планы, праблемы і знаходкі. Вынікі:

 Патрэбна адзначыць станоўчую дзейнасць па павышэнню кваліфікацыі і перападрыхтоўцы педагагічных кадраў.

Праблема

Недастаткова актыўная матывацыя настаўнікаў на здачу кваліфікацыйнага экзамена на  вышэйшую катэгорыю.

Шляхі вырашэння:

стварыць умовы для матывацыі настаўнікаў на здачу кваліфікацыйнага экзамена на адпаведнасць вышэйшай катэгорыі.

Згодна загада аб арганізацыі метадычнай работы ў школе працавалі 5 метадычных аб’яднанняў:

МА настаўнікаў матэматычнага цыкла -  кіраўнік Прашкевіч З.Г.

МА настаўнікаў гуманітарна цыкла  - кіраўнік  Станкевіч А.В.

МА настаўнікаў пачатковых класаў і выхавацелей д/с “Дзяцінства” – кіраўнікУрублеўская Т.М.

Ма класных кіраўнікоў,

МА настаўнік прыродазнаўчага цыклу;

З улікам змен у кадравым саставе на гэты навучальны год мэтазгодна арганізаваць работу 4 МА:
 

МА настаўнікаў прыродазнаўча- матэматычнага цыкла -  кіраўнік Белавус Г.М.

МА настаўнікаў гуманітарна цыкла  - кіраўнік  Станкевіч А.В.

Творчая майстэрня пачатковых класаў і выхавацелей д/с “Дзяцінства” – кіраўнікУрублеўская Т.М.

Ма класных кіраўнікоў,

 

Задачы работы МА:

 Павысіць творчы патэнцыял педагогаў  праз укараненне актыўных адукацыйных форм і метадаў, сучасных інфармацыйных тэхналогій.

 Аптымізаваць вучэбны працэс праз забеспячэнне адукацыйных запатрабаванняў вучняў (факультатыўныя заняткі, заняткі дадатковай адукацыі) праз развіццё даследчай дзейнасці, шляхам правядзення прадметных тыдняў, пазакласных мерапрыемстваў, праз умацаванне матэрыяльнай базы кабінетаў, стварэнне ўмоў бяспечнага здароўезберагальнага асяроддзя.

Мэта ўсіх метадычных аб’яднанняў зводзілася да павышэння прафессйнага майстэрства настаўнікаў, развіцця творчага патэнцыялу педагогаў для падтрымкі высокай матывацыі навучэнцаў у вучэбнай дзейнасці, стварэнне адукацыйнай прасторы як асновы фарміравання ключавых кампетэнцый вучняў, канкурэнтназдольнай асобы, грамадзяніна і патрыёта роднай зямлі.

У лістападзе  2017  года на базе ўстановы адукацыі прайшло пасяджэнне раённага МА намеснікаў дырэктара па вучэбнай рабоце,  быў праведзены  фестываль адкрытых урокаў,  падчас правядзення якога педагогі змаглі ўзаеманаведаць заняткі і пазакланыя мерапрыемствы. 

Наведаныя ўрокі былі праведзены на высокім метадычным узроўні, абмеркаваны і прааналізаваны.

Праблемы:

- нізкі ўзровень прадстаўлення  педагагічных дасягненняў настаўнікамі на старонках абласных і рэспубліканскіх сродкаў масавай інфармацыі;

Шляхі рашэння:

1.         Кіраўнікам метадычных аб'яднанняў пры планаванні правядзення  прадметных тыдняў улічваць інтарэсы вучняў, арганізоўваць мерапрыемствы, якія аб'ядноўваюць як адкрытыя ўрокі, так і пазакласныя святы.

2.         Пры правядзенні адкрытых урокаў  працягваць выкарыстанне сучасных адукацыйных тэхналогій.

3.         Сістэматызаваць работу з вучнямі, якія маюць павышаную матывацыю да вучэбнай дзейнасці.

4.         Падчас правядзення прадметных тыдняў  імкнуцца зрабіць ярчэйшымі і больш змястоўнымі ўсе праводзімыя мерапрыемствы.

 

Задачы метадычнай работы на 2018/2019  навучальны год:

1. Удасканальваць адукацыйны працэс па вучэбных прадметах з улікам рэкамендацый па выніках рэспубліканскага маніторынгу якасці агульнай сярэдняй адукацыі, праведзенага Нацыянальным інстытутам адукацыі;

2. Уключаць настаўнікаў у дзейнасць па засваенні спосабаў рэалізацыі кампетэнтнаснага падыходу ў выкладанні вучэбных прадметаў, выхаваўчага патэнцыялу вучэбных і факультатыўных заняткаў;

3. Інфармаваць  педагагічных работнікаў аб нарматыўным прававым, навукова-метадычным забеспячэнні адукацыйнага працэсу па вучэбных прадметах, навінках педагагічнай літаратуры.